Fræðslumyndband um fordóma

Umræðupunktar

• Í myndbandinu kemur fram að fordómar birtist meðal annars á samfélagsmiðlum og spjallrásum tölvuleikja.
  Hafið þið orðið vitni af fordómum á þessum stöðum? Hvar annars staðar hafið þið orðið vitni af fordómum? Hvers kyns fordómum?
• Hvað er átt við í myndbandinu þegar fordómum er líkt við samtenginguna á poppi og kóki eða malti og appelsíni? Getið þið nefnt dæmi.
• Af hverju er fólk með fordóma? Hvað haldið þið?
•  Lærðuð þið eitthvað nýtt í myndbandinu? Hvað fannst ykkur áhugaverðast?

        (Sjá dæmi um svör  hér)

Reikna má með að ísbrjótur, myndband og umræðupunktar taki um 40 mínútur.

Fordómar  -  verkefni

Við mælumst til þess að byrjað sé á að fara með nemendur í ísbrjót með áherslu á fjölbreytileika áður en byrjað er að vinna verkefnin.

Hugmyndir af ísbrjótum getur þú fundið hér

Tillögu að skipulagi má sjá neðar á síðunni.

Staðalímyndir - kartöfluverkefnið

Í verkefninu skoða nemendur kartöflur og átta sig á því að þó þær virðist allar eins við fyrstu sýn

 þá hefur hver kartafla sín sérkenni, rétt eins og fólk, og þannig læra þau hvernig staðalímyndir

 verða til og hvers vegna þær geta verið skaðlegar.

Tímalengd: 40 mín
Árgangur: 7.-10.bekkur

Fréttir um fordóma

Nemendur vinna saman í hópum og lesa og greina fordóma í íslenskum fréttum  og áhrif þeirra á fólkið sem fyrir þeim verður.

Tímalengd: 40 mín

Árgangur: 8.-10.bekkur

Hatursorðræða á netinu

Nemendur læra um hugtakið hatursorðræða, horfa á myndband frá Common Sense Media um hatursorðræðu á netinu

 og vinna saman í hópum þar sem þau ræða saman um hatursorðræðu á samfélagsmiðlum og hvernig sé hægt að bregðast við.

Tímalengd: 40 mín

Árgangur: 8.-10.bekkur

Tjáningarfrelsi eða hatursorðræða?

Nemendur læra um hugtökin hatursorðræða og tjáningarfrelsi ásamt því að horfa á myndband um áhrif hatursorðræðu. Nemendur vinna saman í pörun og svara spurningum um mikilvægi tjáningarfrelsis og mikilvægi laga gegn hatursorðræðu.

Tímalengd: 40 mín
Árgangur: 10.bekkur

Tillaga að skipulagi

Undirbúningur kennara:

Mikilvægt er að kennarar séu búnir að lesa Að ræða viðkvæm málefni, horfa á myndböndin,

fara vel yfir verkefnalýsingar og finna þann efnivið sem þarf.

Uppsetning verkefna:

1.Ísbrjótur - Stígðu fram (10-15 mín)

2Myndband um fordóma og umræður (20-30 mín)

Glærur með myndbandi og umræðupunktum á íslensku og ensku

3. Kartöfluverkefnið (30-40 mín)

Efni sem þarf: Kartöflur og pokar

4. Fréttir um fordóma (40 mín)
Efni sem þarf: Útprentaðar fréttir eða hlekkur á fréttir sendar til nemenda (sjá verkefnalýsingu), útprentaðar verkefnalýsingar, blýantar.