MARKMIÐ

  • Að nemendur öðlist skilning á hugtakinu kynþáttafordómar/rasismi
  • Að nemendur átti sig á birtingarmyndum kynþáttafordóma og afleiðingum þeirra.
  • Að nemendur átti sig á sögulegu samhengi kynþáttafordóma.
  • Að nemendur þjálfist í að geta brugðist við kynþáttafordómum.

Fræðslumyndband um kynþáttafordóma

Umræðupunktar

  •  Í myndbandinu kemur fram að rasismi sé kerfisbundinn? Hvað er átt við með því?
  • Í myndbandinu kemur fram að í raun megi segja að kynþáttafordómar hafi skapað kynþætti/kynþáttaflokkun en ekki öfugt. Hvað er átt við með því?
  •  Hvernig birtast kynþáttafordómar ennþá í dag?
  • Hvað er átt við þegar sagt er að kynþáttafordómar geti verið ómeðvitaðir? Nefnið dæmi.

        (Sjá dæmi um svör hér)


Reikna má með að ísbrjótur, myndband og umræðupunktar taki um 40 mínútur.

KynÞáttaFordómar  - verkefni

Við mælumst til þess að byrjað sé á að fara með nemendur í ísbrjót með áherslu á fjölbreytileika áður en byrjað er að vinna verkefnin.

Hugmyndir af ísbrjótum getur þú fundið hér


Níðyrði - væntanlegt

Mikilvægt er kennarar lesi leiðbeiningar vel áður en farið er í þetta verkefni enda er hér um að ræða afar viðkvæmt málefni. Þær má finna hér.

Í verkefninu læra nemendur um sögulegt samhengi og skaðsemi n-orðsins ásamt því að ígrunda notkun orðsins í samtímanum. Nemendur vinna síðan saman í hópverkefni þar sem þeir lesa nokkrar dæmisögur og svara spurningum.

Tímalengd:

Árgangur: 10.bekkur


Umræðuverkefni

Í verkefninu vinna nemendur saman í hópum og þurfa að taka afstöðu til og rökstyðja þrjár fullyrðingar um fordómar.


Forréttindi

Í verkefninu horfa nemendur á myndband sem útskýrir forréttindi.  Nemendur læra um hugtakið hvít forréttindi og spila bingó til að átta sig betur á eigin forréttindum og af hverju það skiptir máli að vera meðvitaður um þau.

Tillaga að skipulagi

Undirbúningur kennara:

Mikilvægt er að kennarar séu búnir að lesa Að ræða viðkvæm málefni, horfa á myndböndin,

fara vel yfir verkefnalýsingar og finna þann efnivið sem þarf.


Uppsetning verkefna:

1.Ísbrjótur - Allir í röð (10-15 mín)

2Myndband um kynþáttafordóma og umræður (20-30 mín)

Glærur með myndbandi og umræðupunktum á íslensku og ensku

3. Forréttindi (20-30 mín)

Glærur með kveikjum og skilgreiningum
Efni sem þarf: Útprentuð bingóspjöld (sjá verkefnalýsingu), blýantar.

4. Umræðuverkefni um kynþáttafordóma (30-40 mín)
Efni sem þarf: Exit miðar eða post it miðar, tafla/skjár



Hvað lærðu nemendur?

Rasismi er alls staðar í kringum okkur.

Ég lærði að rasismi er verri en ég hélt.

Ég lærði að n-orðið hefur sterkari þýðingu en ég áttaði mig á.

Við eigum ekki að dæma fólk eftir útliti.

Ég lærði um fordóma og rasisma og hvernig fólk upplifir lífið misjafnt út frá húðlitnum sínum.

Ég fattaði ekki að fólk getur átt erfitt með að finna plástra sem passa við húðlitinn þeirra.

Ég lærði um hvít forréttindi.

Ég lærði um fordóma, rasisma og samskipti.