BINGÓ - Forréttindi

  Markmið:

• Að nemendur þekki hvít forréttindi
• Að nemendur átti sig á forréttindastöðu sinni
• Að nemendur þekki hugtakið forréttindablinda
  

Hæfniviðmið

Lykilhæfni: 

•  Nemendur getur beitt ólíkum sjónarhornum og gagnrýninni hugsun í fjölbreyttum viðfangsefnum.

Tímalengd:  20-40 mín

Efni og undirbúningur:

Prenta út BINGO spjöld - sjá fylgiskjal.

Myndband - Sometimes you are the caterpillar  hér

Skjár og hátalari (til að spila myndband)

Blýantar

Innlögn: Kveikja - 1. Kennari spilar myndbandið Sometimes you are the caterpillar

2.Kennari útskýrir hugtakið forréttindi fyrir nemendum - Forréttindi lýsa stöðu einstaklings í samfélaginu og því forskoti sem hún hefur umfram aðra án þess að vera endilega meðvitaður um það. Forréttindi geta tengst kyni, kynhneigð, húðlit, trúarbrögðum, uppruna, aldri, stöðu, fjárhagsstöðu og fl. Öll tilheyra einhverja forréttindahópum og flest skortir okkur forréttindi á einhverjum sviðum.

Framkvæmd verkefnisins:

3. Öllum nemendum er afhent BINGO spjald.

4. Kennari les yfir staðhæfingarnar eina í einu og útskýrir eftir því sem við á. Eftir hverja staðhæfingu merkja nemendur við með x hvort að staðhæfingin eigi við um þau.

5. Í lok verkefnisins eru nemendur beðnir um að skrifa á post-it miða hversu mörg stig þau fengu og afhenda kennaranum sem tekur það saman. Gæta þarf að nemendur merki ekki miðana sína þar sem þetta á að vera nafnlaust.

Umræður:

6. Kennarinn tekur saman post-it miðana og raðar upp stigum nemenda eftir stigafjölda.

7. Mikilvægt er að kennari undirstriki að við höfum öll einhvers konar forréttindi. Hvít forréttindi eiga við um ávinning eða tækifæri sem fólk hefur áunnið sér bara fyrir það að vera hvítt í ákveðnum samfélögum. Það þýðir ekki að hvítt fólk lendi ekki í erfiðleikum heldur einungis að húðlitur eigi ekki þátt í því. Fólk sem býr við hvít forréttindi er oft ómeðvitað um þau og áttar sig því ekki á óréttlætinu sem aðrir upplifa vegna húðlitar. Með því að læra um hvít forréttindi áttum við okkur betur á óréttlætinu og getum þannig unnið markvisst að réttlátara samfélagi fyrir öll.