Hvað eigum við sameiginlegt?

Markmið:

• Að nemendur kynnist hvor öðrum betur.
• Að nemendur sjái hvað þeir eigi sameiginlegt með hvor öðrum.
• Skapa skemmtilegt andrúmsloft hjá hópnum.

Hæfniviðmið

Lykilhæfni:

• Unnið með öðrum og lagt sitt af mörkum í uppbyggilegu samstarfi sem tengist námi og félagsstarfi.
• Nemandi getur brugðist við margvíslegum upplýsingum og hugmyndum, hlustað, tekið þátt í umræðum og tekið tillit til ólíkra sjónarmiða.

Samfélagsgreinar:

• Nemandi getur tekið ábyrgan þátt í lýðræðislegu samstarfi og samræðu.

Tímalengd:

15-25 mín

Efni og undirbúningur:

Hvít blöð (A5)

Blýantar fyrir nemendur.

Framkvæmd verkefnis:

Innlögn (5 mín):

Kennari skiptir nemendum upp í hópa (3-4 saman í hóp) og lætur hvern hóp fá eitt A5 blað og blýant. Kennarinn útskýrir fyrir nemendum að þau fái 5 mínútur til að finna að minnsta kosti 5 atriði sem allir í hópnum eiga sameiginlegt, utan skólans. Fatnaður og líkamspartar eru ekki taldir með.

Leikurinn (10 mín):

Nemendur spjalla saman og einn úr hverjum hóp skrifar niður á blaðið það sem þau finna út að allir eiga sameiginlegt. Atriði sem nemendur gætu nefnt er til dæmis: allir hafa horft á netflix, allir hafa farið í bíó, allir eiga gæludýr, allar hafa týnt lyklunum sínum. Þegar tíminn er búinn á einn úr hverjum hóp að lesa á blaðið hvað þeirra hópur á sameiginlegt.

Samantekt (5-10 mín):

Umræður - hér eru dæmi um spurningar sem kennarar geta spurt í lokin.

Er eitthvað sem kom ykkur á óvart í leiknum?

Fannst ykkur auðvelt eða erfitt að finna eitthvað sameiginlegt með öðrum?

Hvað lærðuð þið nýtt um samnemendur ykkar?